咁多位戰友，好耐好耐好耐冇見。
想同大家講： 我的小女兒滿月了
唔好意思呀，咁遲先同大家講。因為我係個神經質嘅人，好多嘢好唔放心…… (初初知道bingo時身邊有朋友失去了bb, 令我好唔放心)，加上生活忙左好多，一直冇黎update blog.
發生太多事，唔知點同大家講起。就由點bingo開始啦。
記得我上年IUI, IVF都中止療程，打曬針都冇得做。失望嘅我決定要好好調理下自己，做多左運動，睇多左中醫(中醫都係攪唔掂我唔準嘅經期，但個人總算精神左)。年尾決定唔理造人，去個長途旅行先算。心諗，我仲有幾年先高齡，唔好迫自己，人生係冇得計算。
因為係自由行，機票酒店都自己搵，所以都好忙。加上工作又多左嘢做，所以個期都冇睇關於bb嘅嘢。咁岩check到排卵，都係“交功課“咁。冇特別理會，交完功課仲去搵資料plan行程，好夜瞓。
但當我訂好曬機票酒店，到開彩日，竟然見到傳說中的兩條線！
初頭我有少少流啡，都怕去旅行唔好。但同我家庭醫生傾完，好明白頭頭係睇胎兒自己，我冇嘢做到，只好放鬆同休息多啲。所以我地決定照去，十三日德國。放一放假，對我都係好。出發前照過bb心跳，由那天起，我同老公之間就叫bb做閃閃，直到依家都改唔到口。
旅行中，我仲有流啡，所以有一半時間係酒店煲劇，老公就自己出去玩，而佢定時買飯俾我。真係一個好特別嘅“安胎“之旅。
懷孕期，我都好好，冇特別不適。生產過程都好好，由穿水到生用左九個鐘，更估唔到自己順產只係用笑氣，bb仲係大隻b。
依家盡力餵人奶中…… 好忙好忙……
我喊左好多次，成日有一種不安走出黎咁……
壓力不比等待閃閃時少，但我相信天父會保守，帶領我地一家。
我有好多好多嘢想分享，過下再黎update。
